Tatlong taon na ko ditong, Naglalakad, naglalakad at naglalakad Marami na rin ako nakasalamuha Merong gwapo at magaganda Mga matatalino at mga nakakapagtaka Meron mga jologs At meron din namang konyo May tibak, may neutral at may pro Basta, iba't ibang tao
Sa dami ng mga personalidad Nasaan na nga ba ang aking hinahanap Sa bawat isa na nagaaral Dito sa tinaguriang una Simple lamang yung hinahanap ko di ba Yung taong may solidong paniniwala Na pagsilbihan ang ating bansa Sa abot ng kanyang makakaya At hindi na lang umasa sa kamay ng mga kapitalista
Palagay ko nga ay hindi na ko makakakita Sa hirap nga naman ng buhay Bakit ko pa uunahin tong bansa Na wala namang inihatid Kung hindi bagyo at baha Ay mga tax na walang kwenta O di kaya ay mga lintik na budget cut Leche talaga, Php1000/unit na babayaran ko tuloy next sem.....
Pero di ba yun naman ang ginawa nila ni Andres, Jose at maging ni Diego?
Sa tagal ng panahon ay napagtanto ko Na iyon ang dahil kung bakit iba tayo Meron daw tayong pakialam sa mundo At hindi basta "wala lang" ang tono
Siguro patuloy pa rin ako maghahanap Maglakad, maglalakad, maglalakad Hanggang makita ko ang taong iyon At makausap siya ng personal Sabihin na "pare, idol kita!" At sabayan siya sa kanyang paglalakad...
~envynitar "a mug of hot water mixed with extra joss, hinalo gamit ang hinlalaki ng paa"
