minsan nakakainggit ang isang cellphone buti pa siya, laging hinahawakan inaalagaan na ultimong buhay ibibigay huwag lang manakaw ninuman at sa tuwing magpaparamdam agad-agad tinitingnan binibigyag-pansin
minsan nakakainggit ang isang computer buti pa siya, laging inaasikaso inaayos na pinagkakagastusan nang hindi biru-birong halaga huwag lang bumagal at sa tuwing may kailangan laging kaharap at minsan kinakausap
minsan nakakainggit ang isang iPod buti pa siya, laging pinakikinggan at laging dala-dala na pilit at laging aalalahaning bitbitin huwag lamang malimutan at sa tuwing may bagong tugtugin ay kasa-kasama pinakikinggan lagi
minsan nakakainggit ang isang role playing game buti pa siya, pinagtitiyagaang tapusin, pinaglalaanan ng oras, pagod, at pera gagawan ng paraan huwag lang maputol sa paglalaro at sa tuwing nakakalaro ay may saya may galak
minsan tuloy masasabing walang kaiinggitan ang isang bagay sa tao na, walang humahawak walang nag-aalaga walang nag-aasikaso walang nag-aayos walang nagtitiyaga sa paglalaan ng oras, pagod, at pera
minsan tuloy masasabing hindi masarap ang pagiging tao mabuti pa ang bagay: pinagbubuwisan ng buhay binibigyang-pansin kapag nagpaparamdam pinagkakagastusan nang malaki laging may kaharap laging may kumakausap nakakapagpagawa ng kung anu-anong paraan nagbibigay-saya nagbibigay-galak
ngunit kahangalang sabihing higit ang isang bagay sa isang tao
minsan nga lang, nakakainggit...
a cup of cold water mixed with a drop of cold blood
