- binura ko na ang blog ko, kaya kung mapapansin, sa livejournal na pumupunta iyong link ko rito, wala namang espesyal na dahilan kung bakit ko binura, basta medyo nagsawa na ako sa blog ko, cluttered at magulo na siya, lalo na iyong tag board
- marunong na akong tumugtog na piano, at patuloy pa rin ako sa pag-aaral ng pagtugtog (next sem nga, gitara naman ang plano kong pag-aralan, wala namang espesyal na dahilan kung bakit ako nag-aaral tumugtog ngayon, gusto ko lang sigurong may mapagbuntungan ng pansin sa tuwing naaasar ako sa mundo
- kasalukuyan kong kinukuha ngayon ang aking minor sa English Literature, at pagdating ng fourth year ay may masteral subjects na ako sa Political Science, kaya medyo mabigat na ang ginagawa namin, puro basa at sulat na minsan nakakasawa na
- sorry nga pala Jamie sa hindi ko pagsipot sa lakad sa SM Southmall, alam ko galit ka sa akin at hindi ko ipagtatanggol ang sarili ko (i mean, hindi ako maghahain ng excuses sa hindi ko pagsipot) kaya ang magagawa ko lang ay humingi ng kapatawaran
- Marlo, may mga readings ako sa English Literature na makakatulong siguro sa iyo kung gusto mo talagang magpatuloy sa pagiging manunulat, at siguro pwede ka na rin kumuha ng mga units sa panitikan para mahasa pa ang iyong pagsusulat at mapag-aralan mo ang maraming paraan at teorya sa pagsusulat
- sa Abada boys, ipagdasal ninyo na lang kung sinoman (o kung sinu-sinoman) ang nagnakaw sa dorm ninyo, ipagdasal ninyo ang katahimikan ng kanilang kaluluwa, at ipanalangin ninyo na rin na patawarin sila ng Panginoon, alam ko mahirap gawin iyon (kahit ako hindi ko kaagad magagawa iyon) ngunit wala namang magagawa kung susubukan
- Jessica, kung required ka sumama sa mga rally, basta mag-ingat ka, tipong maging aware ka kung ano ang nangyayari, baka mamaya maaksidente ka pa, pero walang masama sa pagsama sa rally kung naniniwala ka naman sa ipinaglalaban nila, hehehe!!! :D
- so guys, iyan na muna siguro, wala pa akong naisusulat na kung ano sa nakaraang tatlo o apat na buwan, siguro sa sembreak na ulit ako susulat ng mga tula, maikling kwento, at kung anu-ano pa
- nga pala, ipagdasal ninyo ako, ipagdarasal ko rin kayo
a cup of cold water mixed with a drop of cold blood
